Özbəkistanın paytaxtı Daşkənddə keçirilən kişi boksçular arasında dünya çempionatında Ümid Rüstəmov daha bir rəqibini turnirdən uzaqlaşdırıb.

Prosport.Az-ın məlumatına görə, 57 kq çəki dərəcəsində Ümid Rüstəmov türkiyəli Tokio Olimpiadasının iştirakçısı Batuhan Çiftçidən üstün olub və 1/8 finala vəsiqə qazanıb.

Daha əvvəl Ümid 1/32 finalda Süleyman Samqulini (Mərakeş) 5:0 hesabı ilə məğlub etmişdi.

Xatırladaq ki, Ümid Rüstəmovdan əvvəl Tural Sarıyev (48 kq) Əl-Cəlil Coxunu (Trinidad və Tobaqo), Tayfur Əliyev (60 kq) Mirzahid İmamnəzərovu (Qırğızıstan), Mirşərif Kazımzadə (75 kq) Edvin Ovuorunu (Keniya), Murad Allahverdiyev (80 kq) Şabbos Neqmatullayevi (Tacikistan) və Məhəmməd Abdullayev (+92 kq) Ernandes Krusu (Meksika) məğlub edib. Malik Həsənov (63,5 kq), Sərxan Əliyev (71 kq) və Eldar Quliyev (92 kq) isə ilk görüşdə uduzaraq turnirlə vidalaşıb.