Azərbaycanlı futbolçu Vüsal İsgəndərli “Malişeva”nın Kosovo çempionatında keçirdiyi növbəti oyunda iştirak edib.

Prosport.Az xəbər verir ki, Superliqanın XII turu çərçivəsində həmyerlimizin komandası öz meydanında “Feronikeli” ilə 0:0 hesablı heç-heçə edib.

İsgəndərli ev sahiblərinin start heyətində meydana çıxıb.

2 xal itirməsinə baxmayaraq, “Malişeva” Kosovo çempionatının turnir cədvəlində 1-ci pillədəki mövqeyini qoruyub. 12 oyundan sonra komandanın aktivində 27 xal var. Ən yaxın izləyicisi “Priştina” isə ehtiyatda 1 oyunu olmaqla 26 xal toplayıb.