"Kubok oyununda qalib gəlib növbəti mərhələyə keçmək vacib idi. Çempionatda az oynamış futbolçulara daha çox şans verdik".

Prosport.Az xəbər verir ki, bu sözləri "Qəbələ"nin baş məşqçisi Yeton Bekiri Azərbaycan Kubokunun II təsnifat mərhələsində "Mingçevir"ə 3:0 hesabı ilə qalib gəldikləri oyundan sonra deyib.

Şimali makedoniyalı mütəxəssis böyükhesablı qələbəni şərh edib: "Digər vacib məqam o idi ki, oyunu zədəsiz, itkisiz başa vuraq. 90 dəqiqə ərzində oyuna nəzarət etdik. 1-ci hissədə 3 qol vurduq. Fasilədən sonra da istəyirdim ki, futbolçular daha çox fərqlənsinlər. Ümumiləşdirsək, bizim üstünlüyümüzlə keçən yaxşı oyun oldu".

Qeyd edək ki, "Qəbələ" 1/8 finalda MOİK – "Şahdağ Qusar" cütünün qalibi ilə üz-üzə gələcək.