Azərbaycan Premyer Liqasında IX tura bu gün start veriləcək.

Prosport.Az xəbər verir ki, turun ilk oyun günündə iki görüş keçiriləcək.

Günün ilk matçında “Araz-Naxçıvan” Şamaxı şəhər stadionunda “Qəbələ” ilə üz-üzə gələcək. Saat 15:00-da başlayacaq qarşılaşmada komandalar fərqli hədəflərlə meydana çıxacaqlar. Hazırda 4 xalı olan “Qəbələ” turnir cədvəlinin 10-cu pilləsində qərarlaşıb. Naxçıvan təmsilçisi isə 2 xalla sonuncu, 12-ci yerdədir.

Günün ikinci oyununda “Zirə” doğma meydanda “Sumqayıt”ı qəbul edəcək. Zirə İdman Kompleksinin stadionunda keçiriləcək görüş saat 19:00-da başlayacaq. Paytaxt təmsilçisi 12 xalla 6-cı, “Sumqayıt” isə 8 xalla 8-ci sırada yer alıb.

Azərbaycan Premyer Liqası

I dövrə, IX tur

23 oktyabr

15:00. “Araz-Naxçıvan” – “Qəbələ”

Hakimlər: Əkbər Əhmədov, Vüsal Məmmədov, Gülnurə Əkbərzadə, Fərid Hacıyev.

VAR: Nicat İsmayıllı.

AVAR: Tərlan Talıbzadə.

Hakim-inspektor: İmanxan Sultani.

AFFA nümayəndəsi: İlham Əliyev.

Stadion: Şamaxı şəhər stadionu.

19:00. “Zirə” – “Sumqayıt”

Hakimlər: Tural Qurbanov, Cəmil Quliyev, Asiman Əzizli, İslam Məmmədov.

VAR: Kamal Umudlu.

AVAR: Zöhrab Abbasov.

Hakim-inspektor: Şahin Cəfərov.

AFFA nümayəndəsi: Elgiz Abbasov.

Stadion: Zirə İdman Kompleksinin stadionu.

Qeyd edək ki, Azərbaycan Premyer Liqasının IX turuna oktyabrın 25-də keçiriləcək oyunlarla yekun vurulacaq.