Türkiyənin Antalya şəhərində gənclər (U-20) arasında güləş üzrə "Çempionlar" turniri başa çatıb.

Prosport.Az xəbər verir ki, Azərbaycanı ənənəvi yarışda sərbəst və qadın güləşçilər təmsil ediblər.

Sərbəst güləşdə Olimpiya, dünya mükafatçısı, üçqat Avropa çempionu Cəbrayıl Həsənovun böyük məşqçi olduğu yığmada Ceyhun Allahverdiyev (61 kq) və Ramik Heybətov (65 kq) qızıl, Ruslan Abdullayev (57 kq) gümüş, Cavidan Əhmədov (70 kq), Əkbər Vəliyev (74 kq), Təbriz Bayramov (86 kq) və Zəfər Əliyev (97 kq) bürünc medal qazanıb. 2 qızıl, 1 gümüş və 3 bürünc medal əldə edən yığma 140 toplayaraq komanda hesabında 3-cü yeri tutub.

Qadın güləşçilər isə 1 dəst medala sahib çıxınblar. Gültəkin Şirinova (53 kq) çempion olub. Ruzanna Məmmədova (55 kq) 2-ci, Əsmər Cankurtaran (53 kq) isə 3-cü yeri tutub.

Beləliklə, 2 növün cəmində ümumilikdə 10 (3 qızıl, 2 gümüş, 5 bürünc) medal qazanılıb.

Qeyd edək ki, "Çempionlar" turnirində II dərəcəli beynəlxalq hakim Xəzər Allahverdiyev ədaləti qoruyub.