Oktyabrın 22-dən 30-dək Bakıda keçiriləcək FIFA U-15 Dünya Çempionatı və Festivalında iştirak edəcək Azərbaycan milli komandasının heyəti açıqlanıb.

Prosport.Az xəbər verir ki, Azərbaycan millisi turnir çərçivəsində ilk oyununu oktyabrın 24-də, saat 19:30-da "Crystal Hall"da Timor-Leste yığmasına qarşı keçirəcək. Komanda oktyabrın 25-də, saat 12:45-də Andorra, saat 19:30-da isə Avstraliya yığması ilə qarşılaşacaq. Bu iki görüş Hövsan Yarış Kompleksinin 10A meydançasında baş tutacaq.

Milli komanda oktyabrın 26-da, saat 11:30-da İsrail, saat 18:15-də isə Haiti yığması ilə həmin meydançada üz-üzə gələcək.

Qapıçılar: Oqtay Mehrəliyev (“Qarabağ”), Said Bayramov (“Neftçi”).

Müdafiəçilər: Məhəmməd Ağamalıyev (“Qarabağ”), Emil Quliyev, Əkbər Nağıyev, Kənan Əzimov (hamısı “Neftçi”).

Yarımmüdafiəçilər: Qafar Babayev, Sübhan Əlizadə (hər ikisi “Neftçi”), Həsən Məhmədov, Həsən Ramazanov (hər ikisi “Sabah”), Asif Allahverdiyev, Müşfiq Zamanov (hər ikisi “Ulduz” FA).

Hücumçular: Murad Məmmədzadə (“Sabah”), Yusif Əlizadə (“Ulduz” FA).