"Gözləmədiyimiz məğlubiyyətlə üzləşdik. Rəqib də yaxşı oynadı, onları qələbə münasibətilə təbrik edirəm."

Prosport.Az xəbər verir ki, bu sözləri "Sumqayıt"ın baş məşqçisi Uğur Özdemir Azərbaycan Basketbol Liqasının II turunda "Naxçıvan" ilə matçdan sonra deyib.

Türkiyəli mütəxəssis 87:76 hesabı ilə məğlub olduqları qarşılaşmanı şərh edib:

"15 gün bundan əvvəl formalaşan komandayıq, mübarizə aparmağa çalışdıq. Buna baxmayaraq, bəsit səhvlərə yol verdik. Xüsusən də hücum qurarkən top itkilərimiz nəticəsində rəqib əks-hücuma çıxırdı, bu da məğlubiyyətimizə yol açdı. Yeni bir komanda olduğumuzu nəzərə alsaq, o qədər də pis oynadığımızı düşünmürəm. Biz daha güclü olacağıq! Bizi dəstəkləməyə gələn azarkeşlərimizə təşəkkür edirəm.  Narahat olmasınlar,  onları qələbələrimizlə sevindirəcəyik. Yolumuz hələ uzundur!"