FIBA Avropa Kubokunda mübarizə aparan “Gəncə” Türkiyədə “Esenler Erokspor”a 63:92 hesabı ilə məğlub olub.

Prosport.Az xəbər verir ki, matçdan sonra Azərbaycan təmsilçisinin baş məşqçisi Martin Knejeviç komandanın oteldə yaşadığı lift qəzası ilə bağlı açıqlama verib.

"Dünən gecə qaldığımız oteldə liftin 3-cü mərtəbədən aşağı düşməsi nəticəsində 5 oyunçumuz xəsarət aldı. Uşaqların həyatlarını dəyişəcək dərəcədə ağır xəsarət almamaları böyük bəxtdir. Rəqibin bizi yerləşdirdiyi o ucuz oteldə baş verən bu hadisədən sonra nəticə məni təəccübləndirmədi.

Heyətdə bu qədər zədəli olduğu bir vaxtda oyunu təxirə salmaq istəyimizi görməzdən gəldiyi üçün FIBA-ya xüsusi “təşəkkür edirəm”. Siz həqiqətən "ən yaxşı"sısınız", - deyə mütəxəssis bildirib.