Bakıda keçirilən cüdo üzrə dünya çempionatında ölkələrin medal sıralamasında Azərbaycan millisi 3-cü pillədə qərarlaşıb.

Prosport.Az xəbər verir ki, yığmamızın aktivində 1 qızıl, 1 gümüş və 3 bürünc medal var. Azərbaycan komandası bu nəticə ilə Gürcüstan, İtaliya və digər ölkələri qabaqlayır.

Medal cədvəlinə Yaponiya başçılıq edir. Asiya təmsilçiləri indiyədək 7 qızıl, 1 gümüş və 2 bürünc medal qazanıblar.

2-ci pillədə qərarlaşan İspaniyanın hesabında isə 1 qızıl, 2 gümüş və 1 bürünc medal var.

Azərbaycanla eyni sayda qızıl və gümüş medal qazanan Gürcüstan bürünc mükafatların sayına görə 4-cü yerdədir. İtaliya isə 1 gümüş və 1 bürünc medalla 5-ci pilləni tutur.

Qeyd edək ki, Bakıda keçirilən dünya çempionatına oktyabrın 11-də yekun vurulacaq.