Azərbaycan taekvondoçusu Həşim Məhəmmədov Fransanın paytaxtı Parisdə keçiriləcək Dünya Taekvondo Qran-Prisində iştirak edəcək.

Prosport.Az xəbər verir ki, baş məşqçi Məmməd Abdullayevin rəhbərliyi ilə yarışa yollanan Paris Olimpiadasının gümüş mükafatçısı 58 kq çəki dərəcəsində mübarizə aparacaq. O, oktyabrın 9-da tatamiyə çıxacaq.

Bu gün start götürəcək və oktyabrın 11-dək davam edəcək Qran-Pri turniri Olimpiadaya reytinq xalları qazandırır.

Beynəlxalq dərəcəli hakim Aygül Abdullayeva da yarışda Azərbaycanı təmsil edir.