Azərbaycan karateçiləri oktyabrın 3-4-də Latviyada və Rusiyada keçirilmiş fullkontakt şinkyokuşin yarışlarında 1 gümüş və 2 bürünc medal əldə ediblər.

Prosport.Az xəbər verir ki, fullkontakt şinkyokuşin karate üslubu üzrə milli komanda Latviyanın Riqa şəhərində təşkil olunan Avropa çempionatında 2 mükafata sahib olub. U-21 yaş kateqoriyasında Zamin Fərəcov (75 kiloqram) 2-ci yeri tutaraq gümüş medal qazanıb. Məhərrəm Əhmədov (65 kiloqram) isə bürünc medala layiq görülüb.

Həmin tarixlərdə Rusiyanın Novosibirsk şəhərində keçirilən "34-cü Andrey Yakutov Memorialı”nda Azərbaycanı təmsil edən Emin İsmayıllı da mükafatçılar sırasında yer alıb. İdmançı 75 kiloqram çəki dərəcəsində 3-cü yeri tutaraq bürünc medal qazanıb.