"Bizi çətin oyunun gözlədiyini bilirdik. “Sumqayıt” yaxşı heyət formalaşdırıb. Onları qələbə münasibətilə təbrik edirəm".

Prosport.Az xəbər verir ki, bu sözləri NTD-nin baş məşqçisi Tahir Baxşıyev Azərbaycan Basketbol Liqasının I turunda "Sumqayıt"la oyundan sonra deyib.

Mütəxəssis 94:111 hesablı məğlubiyyəti şərh edib: "Bu oyunda həm müsbət, həm də mənfi məqamlar oldu. Bu mövsüm bizi nələrin gözlədiyini bilirik. Düşünürəm ki, oyundan-oyuna daha yaxşı çıxış edəcəyik".

Baş məşqçi bildirib ki, komandasının 94 xal toplamağı müsbət məqamdır: "Amma bu qədər xal buraxmağımız böyük çatışmazlıqdır. Məşqlərdə müdafiədə oyuna daha çox diqqət ayıracağıq. Matçları təhlil edib səhvlərimiz üzərində işləyəcəyik. Bu cür oyunlar basketbolçularımız üçün böyük təcrübədir. Əminəm ki, onlar inkişaf edəcək və hər oyundan sonra daha da artıracaqlar.”