Boks üzrə Azərbaycan milli komandası Bolqarıstanın paytaxtı Sofiyada keçirilmiş Avropa çempionatında komanda hesabında 3-cü yeri tutub.

Prosport.Az xəbər verir ki, Ravşan Xocayevin baş məşqçi olduğu kollekitiv 2 qızıl, 1 gümüş və 2 bürünc medal qazanıb.

Komanda hesabında Rusiya 7 qızıl, 5 gümüş və 3 bürünc medalla birinci, Türkiyə isə 3 qızıl, 1 gümüş və 5 bürünc medalla ikinci olub.

Azərbaycan 5 medalla ilk üçlükdə yer alıb. Komandaya bütün medalları kişi boksçular qazandırıb.

Qeyd edək ki, Avropa çempionatında Sübhan Mamedov (50 kq) və Seyidcəmşid Cəfərov (75 kq) qızıl, Nəbi İsgəndərov (70 kq) gümüş, Amin Məmmədzadə (55 kq) və Məhəmməd Abdullayev (+90 kq) bürünc medala sahib olub.