Azərbaycanlı veteran güləşçi Hacı Əliyev peşəkar güləş liqasının "Real American Freestyle" (RAF) 2-ci görüşünü keçirib.

Prosport.Az xəbər verir ki, 35 yaşlı idmançı ABŞ-nin Mayami şəhərində keçirilən RAF 13 turnirində mübarizə aparıb.

Əliyevin yüngül çəkidə rəqibi ABŞ-li Cakori Teymer olub. Görüş 9:6 hesabı ilə Teymerin qələbəsi ilə başa çatıb. 26 yaşlı ABŞ-li üçün bu, RAF-da ilk görüş olub.

Qeyd edək ki, Hacı Əliyev RAF-da keçirdiyi ilk görüşdə də məğlub olub. İyunda RAF 10 turnirində debüt edən titullu veteran idmançı Puerto-Rikonu təmsil edən Sebastyan Riveraya 5:9 hesabı ilə uduzub.