“Azərbaycan Sənaye Bankı” ASC-nin Müşahidə Şurasının sədri dəyişib.

Prosport.Az “APA-Economics”ə istinadən xəbər verir ki, Tahir Gözəl bankın Müşahidə Şurasının yeni sədri seçilib.

O, bu vəzifədə 2022-ci ildən bankın Müşahidə Şurasına rəhbərlik edən Əhməd Gözəli əvəz edib.

Müşahidə Şurasının digər üzvləri Alireza Firuzi Heydaranlu və Şirin Hakan Alidir.

Qeyd edək ki, Tahir Gözəl 2026-cı ilin aprelində “Azersun Holding”in Müşahidə Şurasının sədri seçilib. O, həmçinin “Qarabağ” Futbol Klubunun prezidentidir.

“Azərbaycan Sənaye Bankı”nın nizamnamə kapitalı 60 milyon manatdır. Bankın əsas səhmdarı 98,43 faiz payla “Anadolu Investment Company” MMC-dir.