Azərbaycan Kubokunda 2026/27 mövsümünün final qarşılaşmasının keçiriləcəyi stadion müəyyənləşib.

Prosport.Az xəbər verir ki, Peşəkar Futbol Liqasının təklifi və AFFA prezidenti Rövşən Nəcəfin qərarı ilə görüş Gəncə şəhər stadionunda baş tutacaq.

Final ölkə futbolu tarixində ilk dəfə olaraq Gəncədə keçiriləcək. Gələn il mayın 12-də oynanılacaq matçın başlama saatı, eyni zamanda həlledici görüşün detalları ilə bağlı Peşəkar Futbol Liqasının saytında əlavə məlumat veriləcək.