"1993-cü il idi. Xarici ölkədən bir nəfər gəldi ki, mən filan idman növündən məşqçiyəm və xahiş etdi ki, ona "Savalan" klubunda məşq üçün vaxt verim. Təbii ki, mənə aydın idi ki, belə bir idman növü yoxdur. Amma düşündüm ki, Azərbaycana gəlibsə, bir yoxlayım. 1 aydan sonra çıxartdım klubdan, çünki 0 idi".

Prosport.Az-ın məlumatəna görə, bunu Azərbaycan Muay-Tay Federasiyasının prezidenti Azər Həsənsoy öz sösial şəbəkə hesabında deyib.

Sambo millimizin üzvü Mehman Xəlilovun 7 yaşlı Fərid Bakarova məşq keçərkən kobudluğa yol verməsinə dair görüntülər yayılıb. Azər Həsənsoy illər əvvəl belə bir digər məşqçinin olmasını xatırlayıb:

"Bir də eşitdim ki, manejdə biri məşq keçir və 100-ə qədər tələbəsi var. Getdim baxdım ki, mən qovduğum məşqçidir. Deməli, bu adam 1 ay məşq edən 5-8 yaşlı uşaqları bir-birinə "qırdırır". Dedim ki, ay filankəs, neyniyirsən, mənim millətimin bu uşaqlarını niyə şikəst etdirirsən? Səni ölkədən qovduracağam. Valideynlər üstümə gəldilər (ən çox da qadınlar) ki, sənə nə?! Nə qədər izah etdim ki, bu uşaqların bədəni pampıq kimidir, ciyərləri, orası-burası əziləcək və ziyanı sonra ortaya çıxacaq. Yox, dedilər ki, paxıllıq edirsən.

Əlimi yelləyib çıxdm. İnanın ki, sonrakı illər boyu onlarla valideyn, idmançı ya təsadüfi rastlaşanda, ya da səhvini anlayıb uşaqlarını bizim bölmələrə gətirəndə dönə-dönə üzr istədilər ki, sizi anlamamışıq. Amma zaman keçdi, dəymiş ziyanı təlafi etmək mümkün deyil.

Bunu uzun-uzun ona görə yazdım ki, uşaqlarının belə vəhşiliklərlə qarşılaşmasında valideynlərin də günahı var.

P.S. Döyüş növlərində məşq edənlər xəsarət almaqdan sığortalanmayıb. Hər hadisə ola bilər. Amma bir var konkret bir adamın vəhşiliyi nəticəsində".