Gənclər və İdman Nazirliyi, AFFA və “Ulduz” Futbol Akademiyasının birgə təşkilatçılığı ilə Qubada 11 yaşadək futbolçular arasında III “Ulduz Cup” beynəlxalq turniri start götürüb.

Prosport.Az xəbər verir ki, turnirin ilk günündə “Ulduz” “Bunyodkor”u (Özbəkistan) 3:0 hesabı ilə üstələyib. “Qarabağ” isə “Altın Taç”ı (Türkmənistan) 4:1 hesabı ilə məğlub edib. “Zirə” “Drukarz” (Polşa) ilə 1:1 hesablı heç-heçə edib. “Sabah” “Paxtakor”a (Özbəkistan) 0:2 hesabı ilə uduzub. “Neftçi” – “Dinamo Tbilisi” (Gürcüstan) qarşılaşması 0:4 hesabı ilə başa çatıb. “Kayrat” (Qazaxıstan) isə “Sduşorsi” (Qırğızıstan) komandasının qapısından 4 cavabsız top keçirib.

Avqustun 27-dək davam edəcək turnirdə 7 ölkədən 12 komanda 3 qrupda mübarizə aparır.