Xorvatiyanın paytaxtı Zaqrebdə keçirilən Avropa çempionatından dərhal sonra sərbəst güləş üzrə ikiqat Olimpiya mükafatçısı, üçqat dünya və dördqat Avropa çempionu Hacı Əliyev Qazaxıstanın paytaxtı Almatıda yarışıb.

O, İvan Poddubnının xatirəsinə həsr olunan 4-cü peşəkar güləş liqasında çıxış edib. İdmançımız Rusiya təmsilçisi Şamil Məmmədova 2:7 uduzub.

Yunan-Roma güləşçimiz Sənan Süleymanov isə digər Rusiya təmsilçisi Adlet Tyulyubayevlə görüşdən son xal prinsipinə (3:3) əsasən qalib ayrılıb.

Prosport.Az-ın xəbərinə görə, bu qələbəyə görə Sənan Süleymanova 10 min dollar verilib. Hacı Əliyev isə iştirakçı olduğundan, 7 min dollarla Vətənə qayıdıb.