Slovakiyanın paytaxtı Bratislavada güləş üzrə U-20 dünya çempionatı davam edir.

Prosport.Az xəbər verir ki, yarışın üçüncü günündə yunan-Roma güləşi üzrə 55, 67, 72 və 97 kq çəki dərəcələrində medalçılar müəyyənləşib. 

Azərbaycan təmsilçisi Emin Cavadlı (55 kq) bürünc medal uğrunda görüşdə Yaponiyanın təmsilçisi Hiro Sakamoto ilə qarşılaşıb. Güləşçimiz rəqibinə heç bir şans verməyərək 11:1 hesabı ilə tam üstünlüklə qalib gəlib və dünya çempionatının bürünc medalına sahib olub. 

Beləliklə, Azərbaycan millisinin U-20 dünya çempionatında qazandığı medalların sayı 3-ə çatıb.

Daha əvvəl Cavidan Nehmətov (77 kq) gümüş, Tural Əhmədov (63 kq) isə bürünc medal qazanıb. 

Qeyd edək ki, Bratislavada keçirilən U-20 dünya çempionatı avqustun 23-dək davam edəcək.