“Sabahın Ulduzları” Bakı Kuboku uğrunda yarışların U-14 yaş qrupunda keçirilən “Sabah” – “Zirə” matçını AFFA-nın baş katibi Cahangir Fərəcullayev də izləyib.

Prosport.Az xəbər verir ki, Cahangir Fərəcullayev yarışın təşkilati işləri ilə yaxından maraqlanıb, könüllülərlə görüşüb. O, qarşılaşmaların “CBC Sport” telekanalı və BFF-nin “YouTube” kanalı vasitəsilə canlı yayımlanması üçün görülən işləri yüksək qiymətləndirib.

AFFA-nın baş katibi BFF prezidenti Tahir Süleymanovla fikir mübadiləsi zamanı “Sabahın Ulduzları” layihəsinin ölkəmizdə keçiriləcək U-15 Dünya Çempionatı və Festivalı üçün müvafiq yaş qrupunda milli komandanın formalaşdırılması baxımından böyük əhəmiyyət daşıdığını vurğulayıb.