UEFA ilə FİFA arasında son dövrlərdə yaranan gərginliyin hakimliklə bağlı qərarlarda da özünü göstərir.

Prosport.Az xəbər verir ki, UEFA somalili hakim Omar Artanı avqustun 12-də Zalsburqda keçirilən UEFA Superkuboku matçına təyin edib. PSJ ilə “Aston Villa” arasında baş tutan görüşdə Paris təmsilçisi 2:1 hesabı ilə qalib gəlib. Artan bu matçda UEFA Superkubokunu idarə edən ilk qeyri-avropalı hakim kimi tarixə düşüb. 

Xatırladaq ki, Artan 2026-cı il dünya çempionatında hakimlik etmək üçün seçilsə də, ABŞ-a girişinə icazə verilmədiyi üçün turnirdə iştirak edə bilməyib. O, ABŞ-a etibarlı vizası ilə gəlsə də, təhlükəsizliklə bağlı yoxlamalar səbəbindən ölkəyə buraxılmayıb. 

UEFA bununla kifayətlənməyib. Somali hakimi avqustun 31-dən sentyabrın 2-dək İsveçrənin Cenevrə şəhərində keçiriləcək hakimlik seminarına da dəvət edib. Tədbirdə yeni mövsümdə Çempionlar Liqası, Avropa Liqası və Konfrans Liqasında hakimliklə bağlı əsas qaydalar və göstərişlər müzakirə olunacaq. 

Qeyd edək ki, 34 yaşlı Omar Artan 2018-ci ildən FİFA-nın beynəlxalq hakimlər siyahısındadır və 2025-ci ildə CAF-ın ilin ən yaxşı kişi hakimi seçilib.