Yeni mövsüm üçün transfer çalışmalarını davam etdirən "Gəncə" basketbol klubu Əlibəy Məmmədli ilə razılıq əldə edib.

Prosport.Az xəbər verir ki, 21 yaşlı basketbolçu ilə qarşıdakı mövsümün sonuna kimi müqavilə bağlanıb.

Ötən mövsümü "Naxçıvan"da kapitan statusunda keçirən 1.90 m boya malik müdafiəçi Gəncənin eyniadlı klubu üçün yad sima deyil. Məmmədli 2023-2024-cü illər mövsümündə qərb təmsilçisinin şərəfini qoruyub.

U-18 və U-20 millilərimizin heyətinə də cəlb olunmuş basketbolçu kişilərdən ibarət 3×3 yığmamızın üzvüdür.