3x3 basketbol üzrə "Neftçi SOCAR" komandası Dünya Qadın Seriyasının Tokio mərhələsində 1/4 finala vəsiqə qazanıb.

Prosport.Az xəbər verir ki, ilk oyunda ABŞ millisinə (18:13) qalib gələn komandamız qrupun sonuncu matçında isə Niderlandın U-25 komandasını 20:18 hesabı ilə məğlub edib.

"Neftçi" qrup lideri kimi vəsiqə qazandığı 1/4 finalda Çinin "Pekin" klubuna rəqib olub.

Qeyd edək ki, təmsilçimizin 1/4 final oyunu avqustun 2-də Bakı vaxtı ilə səhər saat 07:00-da başlayacaq.

13:42

Basketbolun 3x3 növü üzrə Dünya Qadın Seriyasının Tokio mərhələsində ilk görüşlər keçirilir.

Prosport.Az xəbər verir ki, ölkəmizi bu mərhələdə təmsil edən "Neftçi SOCAR" qrupun ilk matçında basketbolun yaradıcıları sayılan ABŞ millisinə 18:13 hesabı ilə qalib gəlib.

Qeyd edək ki, "Neftçi SOCAR" qrupda sonuncu görüşünü Niderlandın U-25 yığmasına qarşı keçirəcək. Görüş Bakı vaxtı ilə saat 14:25 başlayacaq.