Bakıda güləş üzrə U-17 dünya çempionatına start verilib.

Prosport.Az xəbər verir ki, ilk gündə Azərbaycanın 3 yunan-Roma güləşçisi yarımfinala yüksəlib.

Ömər Salmanov (48 kq), Orxan Həbibli (65 kq) və İsfahan Həsənov (80 kq) finala vəsiqə uğrunda güləşəcəklər. Onlar 1/4 finalda müvafiq olaraq, iranlı İsmaili Leivesi, özbəkistanlı Sardor Mahmudovu və türkiyəli Abdulhalik Balı məğlub ediblər.

Bu gün mübarizəyə qoşulan digər 2 güləşçimiz - Emin Baxşəliyev (110 kq) təsnifatda, Qurban Məcnunov (55 kq) isə 1/8 finalda uduzub.

Qeyd edək ki, Milli Gimnastika Arenasında təşkil edilən yarışa avqustun 2-də yekun vurulacaq.