Gələn həftə Bakıda keçiriləcək güləş üzrə U-17 dünya çempionatının sponsorları müəyyənləşib.

Prosport.Az xəbər verir ki, Milli Gimnastika Arenasında təşkil olunacaq mötəbər yarışın baş sponsoru “MyGroup” olacaq. Şirkət dünya çempionatında ana sponsor qismində çıxış edəcək.

Bununla yanaşı, “Dükkan Projects” və “Slavyanka” brendləri sponsor, “MyWrestling” klubu isə Azərbaycan Güləş Federasiyasının tərəfdaşı kimi yarışa dəstək verəcəklər.

Qeyd edək ki, dünya çempionatı 27 iyul – 2 avqust tarixlərində baş tutacaq. Mundialda dünyanın müxtəlif ölkələrindən 700-ə yaxın idmançı yunan-Roma, sərbəst və qadın güləşi üzrə medallar uğrunda mübarizə aparacaqlar.