Bakıda keçirilən 3x3 qadın basketbolu üzrə Dünya Seriyasının növbəti mərhələsində "Neftçi SOCAR" mübarizəni başa vurub.

Prosport.Az xəbər verir ki, Azərbaycan təmsilçisi 1/4 finalda Sloveniya millisi ilə qarşılaşıb.

Görüş rəqib komandanın 13:10 hesablı qələbəsi ilə yekunlaşıb.

Beləliklə, "Neftçi SOCAR" Dünya Seriyasının Bakı mərhələsində çıxışını 1/4 finalda başa vurub.

Qeyd edək ki, Bakı klubu qrup mərhələsində Çexiyanın "Praqa" komandasına 18:14 qalib gəlib, Litva millisinə isə 16:21 məğlub olmuşdu. Millimiz isə təsnifat mərhələsinin qrupunda Beninə 21:3 qalib gəlib, Braziliyaya 9:19 məğlub olaraq mübarizəni dayandırmışdı.

Onu da bildirək ki, Bakıda növbəti mərhələ yarışı 15-16 avqustda "Sea Breeze"də olacaq. Orada "Neftçi SOCAR" və millimizdən başqa, Niderland, Almaniya, Latviya, Avstriya, Polşa, Çexiya, Ukrayna, Paraqvay, Misir, Benin yığmalarının, klublardan isə "Madrid" (İspaniya), "Yancinq" (Çin), "Varşava"nın (Polşa) çıxışı dəqiqləşib. Daha bir komanda Azərbaycan tərəfindən "wild card"la müəyyənləşəcək.