Bakıda keçirilən 3x3 basketbol üzrə Dünya Qadın Seriyasının Bakı mərhələsində ilk oyun gününün qarşılaşmaları baş tutub.

Prosport.Az xəbər verir ki, qadınlardan ibarət Azərbaycan millisi ilk təsnifat oyununda Benin yığmasını 21:3 hesabı ilə məğlub etsə də, ikinci görüşdə Braziliyaya 9:19 hesabı ilə uduzaraq turnirlə vidalaşıb.

Klub komandamız "Neftçi" isə yarışa qələbə ilə başlayıb. Paytaxt təmsilçisi ilk qrup oyununda Çexiyanın "Praqa" klubunu 18:14 hesabı ilə məğlub edib. İkinci qarşılaşmada Litva millisinə 16:21 hesabı ilə uduzan "Neftçi" buna baxmayaraq, 1/4 finala yüksəlmək şansını qoruyub.

Qeyd edək ki, qruplarda ilk iki yeri tutan komandalar 1/4 finala vəsiqə qazanacaq. Pley-off mərhələsinin oyunları iyulun 19-da keçiriləcək.