"Gəncə" basketbol komandasının FIBA Avropa Kubokundakı rəqibləri bəlli olub.

Prosport.Az xəbər verir ki, avrokuboklarda debüt edəcək Azərbaycan təmsilçisi C qrupunda yer alan klublarla üz-üzə gələcək.

"Gəncə" Rumıniyanın "Universitatya", Portuqaliyanın "Sportinq", Bolqarıstanın "Rilski Sportist", Yunanıstanın "Kolossos H Hotels" və Türkiyənin "Əsənlər Ərokspor" kollektivləri ilə qarşılaşacaq.

FIBA Çempionlar Liqasının (ÇL) təsnifat mərhələsində mübarizə aparacaq "LANDAU Layns" basketbol komandası uğursuzluqla üzləşəcəyi təqdirdə, Avropa Kubokunun qrup mərhələsində çıxış edəcək.

Azərbaycan təmsilçisi ÇL-də mübarizəni dayandırsa, püşkün nəticəsinə əsasən G qrupunda mübarizə aparacaq. Komanda burada İsveçrənin "Lion", Danimarkanın "Bakken Bears", Portuqaliyanın "Benfika", Türkiyənin "Yukatel" və "Prievidza" (Slovakiya) – "Samobor" (Xorvatiya) cütünün qalibi ilə mübarizə apara bilər.