Azərbaycanın qız güləşçisi Ruzanna Məmmədova (62 kq) Şimali Makedoniyanın paytaxtı Skopyedə keçirilən U-20 Avropa çempionatında qızıl medal qazanıb.

Prosport.Az xəbər verir ki, təmsilçimiz finalda türkiyəli Özdənur Özməzlə qarşılaşıb.

Rəqibinə 6:0 hesabıyla qalib gələn həmyerlimiz titulunu qoruyub. Bununla da Ruzanna Məmmədova Azərbaycan güləşi tarixində U-20 yaş qrupunda üçqat Avropa çempionu olan ilk qız/qadın güləşçi olub.

Zəhra Kərimzadə (72 kq) isə gərgin mübarizə şəraitində keçən bürünc medal görüşündə Türkiyənin digər təmsilçisi İlayda Çinə 9:11 hesabıyla məğlub olaraq, 5-ci yerlə kifayətlənib.