3x3 basketbol üzrə Dünya Qadın Seriyasında Marsel (Fransa) mərhələsinə yekun vurulub.

Prosport.Az xəbər verir ki, ölkəmizi bu mərhələdə təmsil edən "Neftçi-SOCAR" qrup lideri kimi 1/4 finala yüksəlib.

Azərbaycan təmsilçisi 1/4 finalda Uqanda millisinə 18:15, yarımfinalda Fransa seçməsinə 14:10 hesabı ilə qalib gələrək, finala vəsiqə qazanıb.

Finalda güclü Kanada yığması ilə üz-üzə gələn komandamız gərgin mübarizənin yekununda 15:9 hesabı ilə qələbə qazanıb və Marsel mərhələsinin çempionu olub.

Turnirin ən dəyərli basketbolçusu (MVP) "Neftçi-SOCAR" klubunun və milli komandamızın üzvü Arika Karter seçilib.

Qeyd edək ki, "Neftçi-SOCAR" iyun ayında Dünya Qadın Seriyasının Orlean mərhələsinin də qalibi olmuşdu

21:13

"Neftçi-SOCAR"ın 3x3 basketbol komandası Fransanın Marsel şəhərində təşkil olunan Dünya Qadın Seriyasında bu gün növbəti matçını keçirib.

Prosport.Az xəbər verir ki, komanda Uqanda yığması ilə üz-üzə gəlib. Qarşılaşma "Neftçi-SOCAR"ın qələbəsi ilə başa çatıb - 18:15. 

Yarımfinal oyunu bu gün saat 21:50-də keçiriləcək.

Qeyd edək ki, Bakı klubu ötən gün A qrupunda Macarıstan (19:18) və Slovakiya (21:14) millilərinə qalib gəlib.