İordaniyanın paytaxtı Əmmanda keçirilən güləş üzrə U-20 dünya çempionatında bir güləşçimiz finala çıxıb.

Prosport.Az xəbər verir ki, bu gün yunan-Roma güləşçilərimiz mübarizəyə başlayıb

Fərid Sadıxlı (55 kq) macarıstanlı Edmond Domokoşa (8:0) və iordaniyalı Xalid Əhmədə (9:0) tam üstünlüklə qalib gələrək 1/4 finala yüksəlib. Güləşçimiz özbəkistanlı Əlişir Qəniyevlə görüşdə də qalib gəlib – 5:1. Sadıxlı yarımfinalda iranlı Əli Vəfanı ilk hissədəcə məğlub edib – 9:0. Fərid sabah finalda qazaxıstanlı İsxar Kurbayevlə qarşılayacaq.

Fəraim Mustafayev (63 kq) təsnifat mərhələsində ermənistanlı Yurik Hoveyana xalların keyfiyyətinə görə (7:7) məğlub olub.

Davud Məmmədov (77 kq) debütdə gürcüstanlı Tornike Mikeladzeyə uduzub – 0:2.

Əli Quliyev (87 kq) 1/8 finalda fransalı Əli Məhəmmədova minimal fərqlə (8:9) məğlub olub.

Məzaim Mərdanov (130 kq) ilk mərhələdə misirli Fekri Eyssaya müqavimət göstərə bilməyib – 0:9.

Qeyd edək ki, daha əvvəl 1 sərbəst və 1 qız güləşçimiz dünya 3-cüsü adını qazanıb.