İyulun 6-12-də Şimali Makedoniyanın paytaxtı Skopyedə güləş üzrə U-20 Avropa çempionatı keçiriləcək.

Prosport.Az xəbər verir ki, yarışa ilk olaraq yunan-Roma güləşi üzrə Azərbaycan millisi start verəcək. Böyük məşqçi Turac Hüseynli, məşqçilər Emin Əhmədov, Həsən Əliyev və Elvin Mürsəliyevin rəhbərliyi altında Emin Cavadlı (55 kq), Ayxan Cavadov (60 kq), Tural Əhmədov (63 kq), Roman Kərimov (67 kq), Kamran Rəcəbli (72 kq), Cavidan Nehmətov (77 kq), Elmin Əliyev (82 kq), Orxan Hacıyev (87 kq), Mahir Qurbanlı (97 kq) və Museyi-Kazim Hüseyn (130 kq) mübarizə aparacaq.

Daha sonra qadın güləşi üzrə yarışlar keçiriləcək. Baş məşqçi əvəzi Toğrul Əsgərov və böyük məşqçi Ağahüseyn Mustafayevin rəhbərliyi altında Nəzrin Əhmədli (50 kq), Esra Məmmədli (53 kq), Qaratel Quliyeva (55 kq), Günay Qurbanova (59 kq), Ruzanna Məmmədova (62 kq) və Zəhra Kərimzadə (72 kq) tatamiyə çıxacaq.

Çempionatın son günlərində isə sərbəst güləş üzrə millimiz mübarizəyə qoşulacaq. Böyük məşqçi Əşrəf Əliyev, məşqçilər Rövşən Hacıyev, Nazim Əlicanov və Əsgərxan Novruzovun rəhbərliyi altında Muhamməd İsmayılov (57 kq), Camal Abbasov (61 kq), Bəşir Verdiyev (65 kq), Hacı Kərimov (70 kq), Nurlan Ağazadə (74 kq), Elcan İsmayılzadə (79 kq), Məhəmməd Abbaszadə (86 kq), Hüseyn Məmmədtağızadə (92 kq), Fərhad Süleymanlı (97 kq) və Yusif Dursunov (125 kq) çıxış edəcək.

Qeyd edək ki, "Skopye Arena"da keçiriləcək yarışın gündüz seansları Bakı vaxtı ilə saat 12:30-da, axşam seansları isə 20:00-da başlayacaq. Avropa çempionatında Azərbaycanı hakimlər Əli Babayev və Həbib Nurulu da təmsil edəcəklər.