Kişi basketbolçulardan ibarət Azərbaycan millisi final mərhələsi 2029-cu ildə baş tutacaq Avropa çempionatının ("EuroBasket 2029") ilkin seçmə mərhələsində növbəti oyununu keçirib.

Prosport.Az xəbər verir ki, Tahir Baxşıyevin baş məşqçisi olduğu kollektiv V turda səfərdə Lüksemburqla üz-üzə gəlib. Qarşılaşma Azərbaycan millisinin qələbəsi ilə yekunlaşıb - 76:74.

Oyunun ən məhsuldar basketbolçusu 19 xalla millimizin üzvü Kamran Məmmədov seçilib.

Xatırladaq ki, bu nəticədən sonra xallarının sayını 7-yə çatdıran Azərbaycan millisi A qrupunda 3-cü pillədə qərarlaşıb. Lider Şimali Makedoniyanın 10, 2-ci sıradakı Lüksemburqun 7, 4-cü yerdəki İrlandiyanın 6 xalı var.