"Şəfa"nın 19 yaşadək komandasının (U-19) baş məşqçisi postuna əsas namizəd müəyyənləşib.

Prosport.Az-ın xəbərinə görə, bu vəzifəyə Elvin Həsənovun təyin ediləcəyi gözlənilir.

Artıq bununla bağlı tərəflər arasında təmaslar olub.

Qeyd edək ki, Elvin Həsənovun son iş yeri II Liqada mübarizə aparan "Şəki Siti" olub. O daha əvvəl "Qarabağ", "Sabah" Akademiyalarında, eləcə də II Liqanın digər təmsilçisi "Quba"da baş məşqçi vəzifələrində çalışıb. U-21 millimizin italiyalı futbolçusu Lorentso Metsotero futbolun ilk sirlərinə məhz onun çalışdığı "Leon" komandasında yiyələnib.