İspaniya millisinin gənc hücumçusu Lamin Yamal DÇ-2026-da vurduğu qolla ölkə futbolunun tarixinə düşüb.

Prosport.Az xəbər verir ki, İspaniya milli futbol komandası üzvü olan Yamal Səudiyyə Ərəbistanı ilə qrup mərhələsinin 2-ci tur oyununda fərqlənərək dünya çempionatları tarixində İspaniya millisinin heyətində qol vuran ən gənc futbolçular siyahısında ikinci pilləyə yüksəlib.

Gənc futbolçu bu qolu 18 yaş 343 günlüyündə vurub.

İspaniya millisinin dünya çempionatlarında ən gənc qol vuran futbolçuları:

1. Qavi (DÇ-2022) – 18 yaş 110 gün

2. Lamin Yamal (DÇ-2026) – 18 yaş 343 gün

Qeyd edək ki, hər iki futbolçu “Barselona”nın məşhur “La Masia” akademiyasının yetirməsidir.

Yamal 2023-cü ilin sentyabrında İspaniya millisində debüt edərək həm ən gənc oyunçu, həm də ən gənc qol müəllifi kimi tarixə düşmüşdü. DÇ-2026 isə onun ilk dünya çempionatıdır.