2026/27 mövsümünün transfer çalışmalarını davam etdirən "Qarabağ" növbəti keçidi reallaşdırıb.

Prosport.Az xəbər verir ki, Xorvatiyanın “Riyeka” klubu ilə aparılan danışıqlar uğurla yekunlaşıb və qapıçı Martin Zlomisliç komandaya transfer olunub. Bosniya və Herseqovinadan olan 27 yaşlı qolkiperlə 3+1 illik müqavilə imzalanıb. O, “Qarabağ”da 23 nömrəli formanı geyinəcək.

“Şiroki Briyeq” klubunun yetirməsi olan Zlomisliç 2017-ci ildə əsas komandada debüt edib, 2021-ci ildə isə “Riyeka”ya transfer olunub.

Bosniya və Herseqovina U-19 və U-21 yığmalarında çıxış edən qapıçı 2024-cü ildən əsas millinin də üzvüdür. O, hazırda ABŞ, Meksika və Kanada ev sahibliyi etdiyi dünya çempionatında iştirak edən Bosniya və Herseqovina millisinin heyətində yer alır.

Qeyd edək ki, Zlomisliç yay transfer pəncərəsində “Qarabağ”ın 5-ci transferi olub. Daha əvvəl Mərakeş əsilli fransalı vinger Jali Muaddib, Qambiya əsiilli isveçli hücumçu Zakaria Savo, portuqaliyalı mərkəz yarımmüdafiəçisi Samuel Lobato və mozambikli sol cinah müdafiəçisi Bruno Lanqa transfer edilib.

Xatırladaq ki, Martin Zlomisliçin "Qarabağ"a keçəcəyini və 3 illik müqavilə bağladığını ilk olaraq saytımız məlumat verib.