Madridin “Real” klubu Almaniya təmsilçisi “Bavariya”nın hücumçusu Maykl Oliseni transfer etmək niyyətindən əl çəkməyib.

Prosport.Az xəbər verir ki, klubun futbolçu ilə maraqlanmadığına dair yayılan açıqlamalara baxmayaraq, “kral klubu” fransalı vingeri hələ də transfer siyahısında saxlayır. Bildirilir ki, Madrid təmsilçisi yaxın 2-3 həftə ərzində rəsmi təklif hazırlamağı planlaşdırır.

 “Bavariya” rəhbərliyi 2026-cı il dünya çempionatından sonra Olise ilə görüşərək onun gələcək planlarını müzakirə etmək istəyir. Münhen təmsilçisi futbolçunun həqiqətən “Real”a keçmək arzusunda olub-olmadığını dəqiqləşdirməyə çalışacaq.

“Real” daha əvvəl də oxşar vəziyyətlə üzləşmişdi. Belə ki, 2021-ci ildə klub PSJ-nin hücumçusu Kilian Mbappenin transferi ilə maraqlanmadığını bildirsə də, fransalı ulduz sonradan Madrid təmsilçisinin formasını geyinmişdi.