Çinin Quyyan şəhərində boks üzrə Dünya kubokunda yarımfinal döyüşlərinə yekun vurulub. Reytinq xarakterli yarışda Azərbaycan millisinin bir idmançısı finala vəsiqə qazanıb.

Prosport.Az xəbər verir ki, Səidcəmşid Cəfərov (75 kq) yarımfinalda İtaliyanın Qabriel Quidi Rontani üzərində inamlı qələbə qazanıb. Boksçumuz hər üç raundda üstün çıxaraq yekunda 4:1 hesabı ilə qalib gəlib (28:29, 30:27, 30:27, 30:27, 29:28).

Cəfərov sabah keçiriləcək finalda Bolqarıstan təmsilçisi Rami Kiuan ilə qarşılaşacaq.

Digər boksçularımızdan Murad Allahverdiyev (80 kq) və Alfonso Dominges (90 kq) yarışı bürünc medal ilə başa vurublar.