“Zirə” heyətini gənc legionerlə gücləndirə bilər.

Prosport.Az "sportinfo"ya istinadən xəbər verir ki, paytaxt təmsilçisi Fil Dişi Sahilindən olan 2008-ci il təvəllüdlü Namaan Krismael Digbeunu baxışa dəvət edib. Gənc futbolçunun bu gün “Qarabağ”la keçiriləcək yoxlama matçında meydana çıxacağı gözlənilir.

Baş məşqçi Rəşad Sadıqov sınaq görüşlərində futbolçunun performansını qiymətləndirəcək. Mütəxəssisin qərarından sonra Digbeu ilə bağlı yekun qərar veriləcək.

Məlumata görə, afrikalı futbolçu ümidləri doğruldacağı təqdirdə, onunla 3 illik müqavilə imzalanacaq.

Qeyd edək ki, “Zirə” ötən yay da gənc afrikalı futbolçu Abdul Aziz Batibieni heyətinə qatmışdı. Universallığı ilə seçilən oyunçu avqust ayında aldığı ağır zədə səbəbindən mövsümün böyük hissəsini buraxmışdı.