"Neftçi" yeni mövsüm üçün növbəti transferini rəsmiləşdirib.

Prosport.Az xəbər verir ki, "ağ-qaralar" braziliyalı yarımmüdafiəçi Qustavo Klisman Dimaraeş Miranda ilə anlaşıb.

26 yaşlı mərkəz yarımmüdafiəçisi ilə 2+1 illik müqavilə bağlanıb. O, 20 nömrəli formanı geyinəcək.

Karyerasının böyük hissəsini Portuqaliyada keçirən Klisman 2025-ci ildə icarə əsasında Yaponiyanın "Vissel" klubunda çıxış edib. O, sonuncu klubu "Santa Klara"nın heyətində 74 oyun keçirib, 3 qol və 7 assist müəllifi olub. "Neftçi" bu transferə görə Portuqaliya klubuna 300 min avro ödəyib.

Yeri gəlmişkən, bu futbolçunun adının Klisman olması səbəbsiz deyil. 1999-cu ilin noyabrın 23-də doğulmuş futbolçuya atası məşhur almaniyalı futbol veteranı Yürqen Klinsmana görə bu adı verib.