Futbol üzrə dünya çempionatında meydan sahibi ABŞ Avstraliya millisinə qalib gəlib.

Prosport.Az xəbər verir ki, Sietl stadionunda keçirilən D qrupunun II turunun matçında ev sahibləri 2:0 hesablı qələbəyə sevinib.

Əvvəlcə avstraliyalıların heyətində Kameron Börces 11-ci dəqiqədə avtoqol müəllifi olub. 43-cü dəqiqədə isə Aleks Frimən yekun nəticəni müəyyənləşdirib.

Bununla da 2 oyundan sonra maksimum nəticə göstərən amerikalılar mundialın pley-offuna vəsiqə qazanıb. Bununla da Meksikadan sonra meydan sahiblərindən ABŞ da qrupdan çıxmağı bacarıb. 

Qeyd edək ki, bu qrupun digər oyununda, Bakı vaxtı ilə saat 07:00-da Türkiyə Paraqvayla üz-üzə gələcək.