Qışda "Sabah"dan ayrılan Boyan Letiç karyerasını yenidən Azərbaycanda davam etdirə bilər.

Prosport.Az xəbər verir ki, Bosniya və Herseqovinanın "Sloqa Meridian" klubu ilə vidalaşan 33 yaşlı müdafiəçiyə Azərbaycan Premyer Liqasından təklif var.

Hələlik adı açıqlanmayan klubdan dəvət aldığını Letiç özü də futbolinfo.az-a açıqlamasında təsdiqləyib:

"Onlar qışda mənimlə əlaqə saxlamışdılar. İndi yenidən danışdıq, dedilər ki, daha gənc futbolçu axtarırlar. Əgər tapa bilməsələr, mənimlə bağlı qərar verəcəklər".

Qeyd edək ki, 2022-ci ilin fevralından 2026-cı ilin yanvarınadək “Sabah”ın formasını geyinən Boyan Letiç 125 oyunda meydana çıxıb.