“Şamaxı”nın qapıçısı Rikardu Fernandeşin “Zirə”yə transferi baş tutmaya bilər.

Prosport.Az xəbər verir ki, Tyaqo Silvanı əvəz edəcəyi deyilən portuqaliyalı qolkiperin böyük ehtimalla hazırkı komandasında qalacağı bildirilir.

Sportal.az-a danışan 31 yaşlı qapıçı transfer xəbərlərindən xəbərsiz olduğunu deyib:

“Bu barədə heç nə bilmirəm. Sadəcə mediada yazılanları oxumuşam. Bu mövzu ilə bağlı məlumatım yoxdur. Mən “Şamaxı”nın futbolçusuyam və bu klubla müqaviləm qüvvədədir. Maraqlanan klubların olub-olmadığını deyə bilmərəm”, – deyə Rikardu Fernandeş bildirib.