Bolqarıstanın MOİK klubu yay hazırlıq planında dəyişiklik edib.

Prosport.Az xəbər verir ki, klubun iyunun 27-də Azərbaycan çempionu “Qarabağ”a qarşı Avstriyada keçirilməsi nəzərdə tutulan yoxlama oyunu ləğv olunub.

Buna səbəb komandaların UEFA Avropa Liqasında bir-birinə rəqib ola bilmə ehtimalıdır. 

Hər iki komanda turnirdə I mərhələni adlasa, bir-birinə rəqib olacaq.

Xatırladaq ki, “Qarabağ” iyunun 22-də Avstriyaya yollanacaq. Komanda Tirol əyalətində iyulun 2-dək hazırlıq keçəcək.