"Neftçi" yay fasiləsində ilk legioner transferini tamamlayıb.

Prosport.Az sportinfo.az-a istinadən xəbər verir ki, "ağ-qaralar" Qustavo Klismahnla anlaşıb.

Braziliyalı yarımmüdafiəçi artıq Bakıdadır. Paytaxt təmsilçisi 26 yaşlı orta sahə oyunçusunu ən qısa müddətdə ictimaiyyətə təqdim edəcək. Onunla 3 illik müqavilə imzalanacaq.

Bakılılar yeni transfer üçün təzminat ödəməli olub. Söhbət təxminən 400 min manatdan gedir.

Futbolçu son mövsümü Portuqaliya yüksək liqa təmsilçisi "Santa Klara"da keçirib. Meydana çıxdığı 18 matçda 1 qol, 1 məhsuldar ötürmə ilə yadda qalıb.

Daha əvvəl isə yerli "Alverka", "Portimonense" və Yaponiyanın "Vissel Kobe" klublarında forma geyinib.