Özbəkistan prezidenti Şavkat Mirziyoyev milli komandanın DÇ-2026-dakı ilk oyunu ilə əlaqədar maraqlı qərar qəbul edib.

Prosport.Az Özbəkistan mətbuatına istinadən xəbər verir ki, iyunun 18-də ölkədə iş gününün başlanğıcı saat 10:00-a keçirilib. Buna səbəb Özbəkistan millisinin dünya çempionatının qrup mərhələsində Kolumbiya ilə keçirəcəyi oyunun yerli vaxtla saat 07:00-da başlamasıdır.

Prezidentin mətbuat katibi Şerzod Asadov qərarı belə şərh edib:

“Azarkeşlərimiz üçün şərait yaratmaq məqsədilə, oyunların Özbəkistan vaxtı ilə kifayət qədər erkən başlamasını nəzərə alaraq, prezident sabahkı iş gününün saat 10:00-da başlamasını müəyyən edib. Hörmətli prezidentimiz də 40 milyonluq xalqımız kimi bu oyunu səbirsizliklə gözləyir. O, qarşılaşmanı ailəsi və nəvələri ilə birlikdə izləyəcək”.

Qeyd edək ki, Özbəkistan milli komandası tarixində ilk dəfə dünya çempionatında iştirak edir. Komanda DÇ-2026-nın K qrupunda Kolumbiya, Portuqaliya və Konqo Demakratik Respublikası ilə mübarizə aparacaq.