"Şahdağ Qusar" Gülağa Əsədovu heyətinə qatıb.
Prosport.Az klubun mətbuat xidmətinə istinadən xəbər verir ki, 23 yaşlı yarımmüdafiəçi Gülağa Əsədovla 1+1 illik müqavilə imzalanıb.
Əsədovun son klubu "Ordu" olub.
Qeyd edək ki, bölgə təmsilçisi bundan əvvəl Fəxri Məmmədli, Ravil Qafarov, Urfan İsmayılov və Elməddin Sultanovu da heyətinə cəlb etmişdi. Gülağa Əsədov yay transfer pəncərəsində “Şahdağ Qusar”a qoşulan növbəti futbolçu olub.

