Bu gün 2026/27 mövsümü üzrə UEFA Europa Conference Leaguenin I təsnifat mərhələsinin püşkü atılıb.

Prosport.Az xəbər verir ki, İsveçrənin Nyon şəhərində keçirilən mərasimdə Azərbaycanın turnirdəki təmsilçilərindən biri olan "Zirə"nin rəqibi müəyyənləşib.

Püşkün nəticəsinə əsasən, paytaxt klubu Gürcüstan təmsilçisi "Torpedo" ilə qarşılaşacaq. Rəşad Sadıqovun rəhbərlik etdiyi komanda ilk oyunu öz meydanında keçirəcək.

Qeyd edək ki, "Turan Tovuz" cəza səbəbindən avrokuboklardan kənarda qaldığı üçün Azərbaycanın ikinci təmsilçisi qismində “Zirə” Konfrans Liqasında çıxış edəcək.

Digər təmsilçimiz "Neftçi" isə mübarizəyə 2-ci təsnifat mərhələsindən başlayacaq. Bakı klubunun rəqibi iyunun 17-də keçiriləcək püşkatma mərasimində bəlli olacaq.

Konfrans Liqasının I təsnifat mərhələsinin ilk oyunları iyulun 9-da, cavab qarşılaşmaları isə iyulun 16-da keçiriləcək.