"Qarabağ" heyətini yeni futbolçu ilə gücləndirib.

Prosport.Az klubun mətbuat xidmətinə istinadən xəbər verir ki, Portuqaliyanın "Portimonense" klubu ilə aparılan danışıqlar müsbət nəticələnib və Samuel Lobato “Qarabağ”a transfer olunub.

24 yaşlı portuqaliyalı yarımmüdafiəçi ilə 3 illik müqavilə imzalanıb. O, Ağdam təmsilçisində 28 nömrəli formanı geyinəcək.

2025-ci ildən “Portimonense”nin şərəfini qoruyan futbolçu karyerasında ilk dəfə legioner həyatı yaşayacaq. Samuel Lobato 2015-2021-ci illərdə "Sporting" akademiyasında yetişib. O, daha əvvəl "Famalicao", "B-SAD" və "CD Tondela" klublarında da çıxış edib.

Qeyd edək ki, Samuel Lobato yay transfer pəncərəsində “Qarabağ”ın heyətinə cəlb olunan üçüncü futbolçudur. Bundan əvvəl Jali Mauddib və Zakaria Savonun transferi rəsmiləşdirilmişdi.